«Тэрытарыяльны цэнтр сацыяльнага абслугоўвання насельніцтва Аршанскага раёна»

Валанцёры ў справе

19.02.2026

18 лютага ў інклюзіўнай кавярні "Добрая кава" тэрытарыяльнага цэнтра Аршанскага раёна прайшло мерапрыемства, прымеркаванае да Дня абаронцаў Айчыны. Арганізатарамі і галоўнымі дзеючымі асобамі сталі валанцёры з ліку навучэнскай моладзі Аршанскага каледжа ВДУ імя П.М. Машэрава.

Аб валанцёрскім цэнтры ў лічбах:

• 135 актыўных валанцёраў
• 5 атрадаў вучнёўскай моладзі
• Сотні гадзін дапамогі і дзясяткі праведзеных мерапрыемстваў

Калектыў "Жывы гук" пад кіраўніцтвам Таццяны Жолудзь падрыхтаваў канцэртную праграму для наведвальнікаў аддзялення сацыяльнай рэабілітацыі, абілітацыі інвалідаў. Але падрыхтоўка да такіх сустрэч - толькі бачная частка работы.

Валанцёры сістэмна дапамагаюць людзям з інваліднасцю:

• удзельнічаюць у рабоце гурткоў;
• навучаюцца суправаджэнню;
• вывучаюць мову жэстаў;
• заўсёды побач на масавых мерапрыемствах.

"Творчасць сцірае любыя межы, а агульная радасць ад музыкі аб'ядноўвае людзей", — менавіта так кажуць самі хлопцы. І даказваюць гэта справай.