«Тэрытарыяльны цэнтр сацыяльнага абслугоўвання насельніцтва Аршанскага раёна»

Як абараніць сябе ад хатняга гвалту: інструкцыя да дзеяння

13.01.2026

Праблема хатняга гвалту ў адносінах да жанчыны, на жаль, у сучасных сем'ях не з'яўляецца рэдкасцю. Хатні гвалт - гэта злачынства. Калі ў вашых адносінах прысутнічаюць прыніжэннi, кантроль, пагрозы і маніпуляцыі — гэта гвалт. Цярпець яго небяспечна не толькі для вас, але і для дзяцей, якія, вырастаючы ў атмасферы страху.

Крок 1: Распазнайце пагрозу

• Звярніце ўвагу на трывожныя прыкметы хатняга гвалту:
• Пастаянныя прыніжэннi, абразы, "жарты" над вамі;
• Поўны кантроль: за фінансамі, зносінамі, перамяшчэннямі;
• Ізаляцыя ад сяброў і родных;
• Успышкі лютасьці, агрэсіўныя паводзіны (біццё посуду, удары па стале);
• Абясцэньванне вашых пачуццяў, поспехаў і меркавання;
• Пагрозы нанесці шкоду вам, дзецям, хатнім гадаванцам ці сабе.

Калі гэта пра вашу сітуацыю - вы не вінаватыя. Вінаваты той, хто выбірае гвалт як спосаб кантролю.

Крок 2: распрацуйце план бяспекі

Нават калі вы не гатовыя сысці зараз, падрыхтуйце "трывожны чамаданчык":

• Дакументы: пашпарт, пасведчанні аб нараджэнні (вашых дзяцей);
• Грошы: адкладзеце невялікую суму наяўнымі;
• Ключы: ад дома і машыны;
• Важныя рэчы: зараджаны тэлефон, зарадная прылада, неабходныя лекі, змена бялізны для сябе і дзяцей;
• Кантакты: нумары тэлефонаў давераных людзей, службаў дапамогі, запісаныя на паперы.

Захоўваеце гэтыя рэчы ў надзейным месцы (у сяброў, сваякоў) або так, каб можна было хутка іх узяць.

Крок 3: звярніцеся па дапамогу

Вы не адны. Падтрымка - гэта ваша сіла.

Праваахоўныя органы (102): тэлефануйце, калі ёсць прамая пагроза жыццю і здароўю. Фіксуйце кожны інцыдэнт: гэта важна для далейшага прыцягнення агрэсара да адказнасці.

Тэрытарыяльны цэнтр сацыяльнага абслугоўвання насельніцтва Аршанскага раёна:

Адрас: г. Орша, вул. Уладзіміра Леніна, д. 43, кабінеты № 19, 5.

Тут вы атрымаеце канфідэнцыйную псіхалагічную падтрымку, сацыяльную дапамогу і часовы прытулак у "крызісным пакоі".

Памятаеце: трываць гвалт "дзеля дзяцей" - памылка. Дзецям патрэбна шчаслівая і бяспечная сям'я, а не штодзённы ўрок прыніжэньня і страху.

Зрабіце першы званок. Гэта крок да свабоды і жыцця без страху.

Тэлефоны дапамогі ў Аршанскім раёне:

• Міліцыя: 102
• Тэрытарыяльны цэнтр: 54-03-48, 51-03-91,+375 (29) 522-80-59