У аддзяленні кругласутачнага знаходжання для грамадзян пажылога ўзросту і інвалідаў в. Тарчылава Аршанскага раёна панавала па-сапраўднаму святочная і цёплая атмасфера
08.01.2026Напярэдадні аднаго з самых добрых і светлых святаў — Раства Хрыстова — у аддзяленні кругласутачнага знаходжання для грамадзян пажылога ўзросту і інвалідаў в. Тарчылава Аршанскага раёна панавала па-сапраўднаму святочная і цёплая атмасфера. Да пражываючых з візітам увагі і клопату прыехалі студэнты Аршанскага дзяржаўнага медыцынскага каледжа.
Таленавітыя, душэўныя і такія сонечныя будучыя ўрачы і медсёстры падарылі нашым бабулям і дзядулям цэлае прадстаўленне.
Гэта быў не проста візіт ветлівасці - гэта быў канцэрт ад усяго сэрца, дзе кожная ўсмешка гледачоў была самай каштоўнай узнагародай для артыстаў.
Дзякуй велізарны гэтым выдатным хлопцам! Вы не проста вучыцеся лячыць - вы ўжо цяпер умееце вылечваць дабрынёй.
