28 лістапада горад Лепель зноў стаў цэнтрам прыцягнення для па-сапраўднаму таленавітых і моцных духам людзей
01.12.2025На юбілейным міжрэгіянальным фестывалі творчасці людзей з інваліднасцю "Зорка надзеі - 20 гадоў разам!" з бляскам выступілі і наведвальнікі аддзялення сацыяльнай рэабілітацыі, абілітацыі інвалідаў тэрытарыяльнага цэнтра.
Іх яркія і "запальныя" нумары стварылі непаўторную атмасферу свята і пакарылі сэрцы гледачоў і журы!
Мы ганарымся нашымі пераможцамі:
- Андрэй Яскевіч - Дыплом I ступені ў намінацыі "Музыка" (інструментальнае выкананне).
- ВІА "Усмешка" - Дыплом III ступені.
- Марына Шайдо - Дыплом III ступені ў намінацыі "Эстрадны вакал".
- Дуэт "Васількі" (Марыя Грынкевіч і Андрэй Яскевіч) - Дыплом II ступені.
- Аксана Ражанская - дыплом II ступені ў намінацыі "Харэаграфія" і спецыяльны падарунак ад Беларускага фонду міру!
Віншуем нашых герояў з заслужанымі перамогамі! Вы - прыклад таго, як творчасць, сіла волі і адкрытае сэрца перамагаюць любыя межы. Жадаем не спыняцца на дасягнутым і новых творчых вышынь!
