«Тэрытарыяльны цэнтр сацыяльнага абслугоўвання насельніцтва Аршанскага раёна»

Вучымся рабіць дабро правільна: у Оршы прайшла ўнікальная фэйл-канферэнцыя для валанцёраў

01.12.2025

Напярэдадні двух важных дат — Дня інвалідаў Рэспублікі Беларусь і Міжнароднага дня валанцёра — Тэрытарыяльны цэнтр Аршанскага раёна ў рамках фэйл-канферэнцыі "На памылках вучацца", арганізаванай БРСМ, правёў навучальны занятак для моладзі на базе СШ №21.

Яе ўдзельнікамі сталі 10 каманд валанцёрскіх атрадаў з усяго раёна, якія хочуць дапамагаць па-сапраўднаму эфектыўна.

Нашы спецыялісты Таццяна Юрко і Вольга Кастрова разам з актывістамі БРСМ не проста распавялі пра нормы карэктных зносін з людзьмі з інваліднасцю, але і змадэлявалі рэальныя сітуацыі. Хлопцы на практыцы адпрацавалі, як правільна прапанаваць дапамогу, як мець зносіны тактоўна і паважліва.

І вынік перасягнуў усе чаканні! Усе 10 каманд паказалі вышэйшы бал, бліскуча справіўшыся з заданнямі. Гэта не проста перамога ў гульні — гэта пацвярджэнне таго, што маладое пакаленне Аршаншчыны гатова будаваць па-сапраўднаму інклюзіўнае грамадства, дзе кожны адчувае сябе зразуметым і прынятым.

Выказваем вялікую падзяку:

• ГА "БРСМ" за актыўнае супрацоўніцтва
• Адміністрацыі СШ №21 за гасціннасць
• Усім удзельнікам за шчырую ўцягнутасць і жаданне вучыцца!

Разам мы ствараем асяроддзе, дзе няма месца стэрэатыпам, а ёсць месца для ўзаемадапамогі і павагі.