«Тэрытарыяльны цэнтр сацыяльнага абслугоўвання насельніцтва Аршанскага раёна»

Дзень, напоўнены сяброўствам і радасцю!

06.11.2025

4 лістапада ў аддзяленні сацыяльнай рэабілітацыі, абілітацыі інвалідаў тэрытарыяльнага цэнтра было шумна, весела і па-хатняму цёпла! У госці прыехалі верныя сябры з мотасупольнасці "Бумеранг" і іх таварышы з Расіі.

Нагода была самая радасная - святкаванне 10-годдзя "Бумеранга"!

Людзі з інваліднасцю падрыхтавалі для матацыклістаў кранальныя віншаванні. Для гасцей правялі экскурсію, расказалі аб дзейнасці аддзялення і ўручылі падарункі, створаныя сваімі рукамі ў ганчарнай і мастацкай майстэрнях.

Сустрэча атрымалася неверагодна душэўнай і шчырай.

Ад усяго сэрца віншуем "Бумеранг" з юбілеем! Жадаем толькі роўных дарог, спадарожнага ветру і верных сяброў на ўсё жыццё! Дзякуй, што вы ёсць!