«Тэрытарыяльны цэнтр сацыяльнага абслугоўвання насельніцтва Аршанскага раёна»

15 кастрычніка адзначаецца Міжнародны дзень Белага кія

16.10.2025

У Беларусі традыцыйна з 15 кастрычніка па 15 лістапада праводзіцца месячнік Белага кія.

Галоўная мэта месячніка - інфармаванне грамадскасці аб праблемах людзей, якія не бачаць свет, аб аказанні ім дапамогі і падтрымкі.

У Беларусі пражывае больш за 27 тысяч людзей з парушэннямі зроку, якія маюць інваліднасць, з іх 1,7 тысяч дзяцей-інвалідаў.

Людзям з інваліднасцю гарантавана сацыяльная падтрымка з боку дзяржавы ў выглядзе:

• грашовых выплат (пенсіі, дапамогі, дзяржаўная адрасная сацыяльная дапамога),
• прадастаўлення дзяржаўных сацыяльных ільгот і гарантый,
• аказання сацыяльных паслуг,
• забеспячэння тэхнічнымі сродкамі сацыяльнай рэабілітацыі.

Асноўныя льготы і гарантыі людзям з інваліднасцю прадастаўляюцца ў залежнасці ад цяжкасці захворвання і не падзяляюцца па катэгорыях. Гэта льготы на лекі, праезд, санаторна-курортнае лячэнне і іншыя.