«Тэрытарыяльны цэнтр сацыяльнага абслугоўвання насельніцтва Аршанскага раёна»

Любоў, увасобленая ў творчасці!

15.10.2025

У аддзяленні сацыяльнай рэабілітацыі, абілітацыі інвалідаў тэрытарыяльнага цэнтра сёння пануе асаблівая, па-сапраўднаму творчая атмасфера! 14 кастрычніка - Дзень маці, а значыць, прыйшоў час ствараць самыя душэўныя падарункі.

У працоўных майстэрнях кіпіць праца: хтосьці ўкладвае душу ў вырабы з гліны, хтосьці стварае ўтульныя свечкі з натуральнай вашчыны, рыхтуе святочныя паштоўкі, а на палотнах нараджаюцца сапраўдныя шэдэўры жывапісу. Кожны выраб - гэта больш, чым проста выраб. Гэта часцінка цяпла, старання і бязмежнай любові, якую нашы наведвальнікі хочуць падарыць самым блізкім і дарагім людзям - сваім мамам.

Ад усёй душы віншуем усіх мам з гэтым выдатным святам! Няхай ваша жыццё будзе напоўнена цяплом і святлом, прыгажосцю і клопатам.

Вы - наша галоўная крыніца натхнення!