«Тэрытарыяльны цэнтр сацыяльнага абслугоўвання насельніцтва Аршанскага раёна»

ЗдОрава жыць здарОва!

25.09.2025

Сёння ў рамках Міжнароднага форуму здаровага ладу жыцця і XII Рэспубліканскай універсальнай выставы-кірмашу "Выдатна жывеш" супрацоўнікамі ТЦСАН Аршанскага раёна быў арганізаваны семінар - практыкум для бацькоў, якія выхоўваюць дзяцей з інваліднасцю, на тэмы: "Асаблівасці кінезатэрапіі і кагнітыўнай гімнастыкі для дзяцей-інвалідаў" і "Альтэрнатыўныя метады рэабілітацыі для дзяцей-інвалідаў".

Для бацькоў выступіла Каваленка Анастасія Ігараўна, выкладчык кафедры медыцынскай рэабілітацыі з курсам ФПК і ПК, настаўнік-дэфектолаг.

Бацькі пазнаёміліся з новым метадам рэабілітацыі - тэйпіраваннем, і змаглі пачуць не толькі тэарэтычны матэрыял, але і паспрабаваць на сабе новы метад. Даведаліся як і калі яго можна ўжываць.

У рэабілітацыі дзяцей з інваліднасцю тэйпіраванне дапамагае палепшыць цягліцавы баланс, знізіць боль, павысіць стабільнасць і стымуляваць адчуванне палажэння цела. Гэты метад спрыяе больш актыўнаму ўдзелу дзіцяці ў рухах, паляпшае каардынацыю і спрыяе больш хуткаму аднаўленню функцый.

У канцы семінара ўсе бацькі атрымалі сертыфікаты.

Выказваем вялікую падзяку Анастасіі Ігараўне за цікавы і пазнавальны семінар, за прафесіяналізм і спагадлівасць.