«Тэрытарыяльны цэнтр сацыяльнага абслугоўвання насельніцтва Аршанскага раёна»

Мы імі ганарымся!

11.09.2025

10 верасня старшыня Аршанскага раённага выканаўчага камітэта Ігар Аляксандравіч Мароз уручыў ганаровыя граматы актыўным атрымальнікам паслуг тэрытарыяльнага цэнтра.

Узнагароды - гэта прызнанне вялікага асабістага ўкладу ў развіццё валанцёрскага руху раёна і актыўнага ўдзелу ў сацыяльна-значных мерапрыемствах.

Мы ганарымся нашымі героямі, чыя сіла духу з'яўляецца прыкладам для ўсіх:

• Аксана Ражанская - старшыня грамадскага аб'яднання "Беларускі фонд дапамогі спартсменам-інвалідам" у Аршанскім раёне, удзельнік Міжведамаснага савета па праблемах інвалідаў. Актыўны ўдзельнік і прызёр міжнародных, рэспубліканскіх і абласных фестываляў.
• Марына Шайдо - шматразовы лаўрэат спартыўных і творчых конкурсаў, удзельніца паказаў мод, фотамадэль і актыўны член ГА "Рэспубліканская асацыяцыя інвалідаў-калясачнікаў". Ініцыятар новага сацыяльнага праекта "Першы кантакт" у Аршанскім раёне!
• Аляксандр Ганчароў - актыўны член ГА "Рэспубліканская асацыяцыя інвалідаў-калясачнікаў", шматразовы пераможца спартыўных спаборніцтваў.

Жадаем актывістам не спыняцца на дасягнутым і новых перамог - як у спорце і творчасці, так і ў важнай грамадскай дзейнасці!