07.08.2025 у Аршанскім раённым выканаўчым камітэце прайшла цырымонія ўручэння дзяржаўных узнагарод шматдзетным маці
08.08.2025У гэты дзень ганаровы Ордэн маці атрымалі жанчыны, якія прысвяцілі сябе выхаванню дзяцей і ўмацаванню сямейных каштоўнасцяў.
Ордэнам Маці былі ўзнагароджаны Анташкевіч Кацярына Дзмітрыеўна, прадавец прыватнага гандлёвага прадпрыемства "Бердовіч-гандльсэрвiс", за нараджэнне і выхаванне пецярых дзяцей і Карпіцкая Таццяна Сяргееўна, швачка таварыства з абмежаванай адказнасцю "АрмiСтрол", за нараджэнне і выхаванне шасцярых дзяцей.
Мерапрыемства прайшло ў святочнай атмасферы, падкрэсліваўшай значнасць мацярынства і сямейных традыцый. Узнагароды ўручыў старшыня Аршанскага раённага выканаўчага камітэта Ігар Аляксандравіч Мароз. У сваім выступленні ён адзначыў важнасць ролі шматдзетных маці ў грамадстве, іх самаадданасць і ўклад у выхаванне годных грамадзян нашай краіны. Віншаванні і словы ўдзячнасці за матчыну працу таксама выказалі віноўніцам урачыстай падзеі Хамутоўская Іна Віктараўна, старшыня Аршанскага раённага Савета дэпутатаў, Пракоф'ева Анастасія Адамаўна, намеснік старшыні Аршанскага раённага выканаўчага камітэта. Старшыня аршанскай раённай арганізацыі грамадскага аб'яднання "Беларускі саюз жанчын", Радзевіч Жанна Іванаўна далучылася да віншаванняў і ўручыла ўзнагароджаным памятныя падарункі.
Віншуем Кацярыну Дзмітрыеўну і Таццяну Сяргееўну з атрыманнем высокай дзяржаўнай узнагароды - Ордэна маці! Няхай вашым сем'ям спадарожнічае поспех, а дзеці будуць вашым гонарам!
