«Тэрытарыяльны цэнтр сацыяльнага абслугоўвання насельніцтва Аршанскага раёна»

На жаль, пажары ў жыллi застаюцца сур'ёзнай пагрозай для жыцця і маёмасці грамадзян

04.08.2025

Статыстыка няўмольная: большасць трагічных выпадкаў адбываецца ноччу, калі людзі спяць і не адчуваюць паху дыму. Часта прычынай становіцца няспраўная электраправодка, неасцярожнае абыходжанне з агнём або бытавымі прыборамі.

Пажарны апавяшчальнік - ваш галоўны начны вартаўнік!

Гэта невялікая, недарагая прылада ратуе жыццi. Яго ролю немагчыма пераацаніць:

• Апавяшчальнік улоўлівае найменшыя часціцы дыму на самай пачатковай стадыі пажару, задоўга да з'яўлення адкрытага полымя.
• Пранізлівы гук сірэны абудзіць нават моцна спячага чалавека, даўшы каштоўныя хвіліны на выратаванне.
• Сучасныя аўтаномныя пажарныя апавяшчальнікі простыя ва ўстаноўцы і абслугоўванні (патрабуюць толькі перыядычнай замены батарэйкі). Іх кошт несупастаўны з коштам чалавечага жыцця або страчанай маёмасці.
• Правераная эфектыўнасць: у дамах, абсталяваных спраўнымі апавяшчальнікамі, колькасць ахвяр пажараў зніжаецца ў разы. Вядомыя сотні выпадкаў, калі менавіта апавяшчальнік прадухіліў трагедыю.

Спецыялісты філіяла ў г. Барань сумесна з супрацоўнікамі ГРАНС, і прадстаўнікамі назіральных камісій робяць устаноўку апавяшчальнікаў ў рамках Дзяржаўнай праграмы для адзінокіх пажылых грамадзян, адзінокіх інвалідаў 1 і 2 групы, якія з'яўляюцца ўласнікамі жылля.

Пажарны апавяшчальнік - гэта не проста прыбор. Гэта ваш шанец на выратаванне ў крытычнай сітуацыі. Паклапаціцеся пра сябе і сваіх блізкіх ужо сёння!