«Тэрытарыяльны цэнтр сацыяльнага абслугоўвання насельніцтва Аршанскага раёна»

Канікулы з карысцю!

26.03.2025

Пад такой назвай працягвае рэалізоўвацца праект тэрытарыяльнага цэнтра Аршанскага раёна, у рамках якога на базе інклюзіўнай кавярні "Добрая кава" арганізавана правядзенне інклюзіўных майстар-класаў для вучняў школ.

25 сакавіка прайшоў майстар-клас па стварэнні мяккай цацкі "Мядзведзь", у якім прынялі ўдзел наведвальнікі аддзялення сацыяльнай рэабілітацыі, абілітацыі інвалідаў, навучэнцы дзяржаўнай установы адукацыі "Сярэдняя школа №20 г. Оршы імя І.А. Флёрава" і навучэнцы "Гімназія №1 г. Оршы імя Г. У. Сямёнава".

У цёплай атмасферы людзі з інваліднасцю і навучэнцы школы стварылі ўнікальныя цацкі, пакаштавалі гарачыя напоі кавярні, пагулялі ў настольныя гульні, завялі новыя знаёмствы і навучыліся працаваць у камандзе.

Запрашаем усіх жадаючых прыняць удзел у інклюзіўных майстар-класах, якія будуць праходзіць па 28 сакавіка ўключна.

У сяброўскай атмасферы кожны створыць унікальны выраб, пакаштуе гарачыя напоі кавярні, зможа пагуляць у настольныя гульні, пагутарыць і адпачыць.

Папярэдні запіс па тэлефоне +375 29 217 52 68