Калі вопыт сустракае клопат
22.06.2026У ТЦСАН Аршанскага раёна перакананыя: эфектыўная дапамога нараджаецца ў цесным дыялогу з тымі, хто лепш за ўсіх ведае патрэбы старэйшага пакалення. Менавіта таму супрацоўніцтва з Аршанскім раённым Саветам ветэранаў - гэта не фармальнасць, а жывая сувязь.
На гэтым тыдні ў рамках сумеснага пасяджэння Прэзідыума Савета ветэранаў і Савета пажылых грамадзян загадчык аддзялення ТЦСАН Марыя Ларыёнава распавяла аб ходзе рэалізацыі ў раёне дзяржаўнай стратэгіі "Актыўнае даўгалецце – 2030".
Удзельнікі абмеркавалі планы, зверылі пазіцыі і намецілі новыя сумесныя крокі.
Дзякуем нашым ветэранам за мудрасць, неабыякавасць і актыўную грамадзянскую пазіцыю! Мы цэнім ваш давер і рады быць надзейнымі партнёрамі.