Цёплыя падарункі ад вялікага сэрца!
21.01.2026Як жа выдатна, што сярод нас ёсць такія спагадлівыя людзі, чыёй дабрыні хапае не толькі на блізкіх, але і на тых, хто асабліва мае патрэбу ў цяпле і ўвазе.
Такім чалавекам стаў дырэктар фірмы ТАА "ФураБай" з Оршы Андрэй Нагорнаў. Ён падарыў утульныя фланелевыя халаты кожнай жанчыне, якая пражывае ў аддзяленні кругласутачнага пражывання для грамадзян пажылога ўзросту і інвалідаў у в. Тарчылава. Але галоўны падарунак - гэта адчуванне, што пра іх памятаюць, іх цэняць і яны не самотныя.
Гэта далёка не першы раз, калі Андрэй і яго каманда адгукаюцца на патрэбы тых, каму важная падтрымка. Яны — пастаянныя і шчырыя ўдзельнікі дабрачынных акцый, дапамагаючыя і дзецям, і пажылым людзям.
Ад усёй душы, ад імя ўсіх жыхароў і супрацоўнікаў нашай установы, кажам вам, Андрэй і камандзе "ФураБай", ВЕЛІЗАРНАЕ ДЗЯКУЙ! Дзякуй за вашу спагадлівасць, за тое, што дзяліцеся цяплом і робіце наш свет дабрэй.
Хай ваша дабро вернецца да вас у сто разоў!